एनआरएन युकेको पुरानो कार्य समितीले अझै बुझाएन हिसाब : झुटो प्रचार प्रसार गरियो

लन्डन –– गैर आवासीय नेपाली संघ युकेको नया कार्य समितीलाई पुरानो कार्य समितीले तिन करोड रुपैयासहित बुझबुझारथ गरियो भनि गरिएको प्रचार प्रसार झुटो भएको थाहा भएको छ । गैर आवासीय नेपाली संघयुकेले एक विज्ञप्ति मार्फत २३ अक्टोबरमा भएको निर्णय अनुसार हेन्डओभर नभएकोमा चिन्ता ब्यक्त गरेको छ ।



संघद्वारा आइतबार प्रकाशित विज्ञप्तिमा बैक खाताहरु र नगद मौज्दात पूर्णरुपमा हस्तान्तरण नभएको र कुनैपनि विलभरपाई लगायतका कागजातहरु नवुझाईएको र २३ अक्टोबरमा भएको निर्णयको पालना नभएको बताइएको छ ।



२३ अक्टोबरमा नयां र पुरानो कार्य समितिको हस्तान्तरण बैठकमा एचएसविसी वेलफेयर बैक तुरुन्तहस्तान्तरण गर्ने, अन्य बैकहरु र नगद समेत छिट्टै हस्तान्तरण गरी पुर्ण रुपमा बुझबुझारथ गर्ने र आजसम्म वुझाइएका कागजातहरु समेत छिट्टै बुझाउने भन्ने सहमति भएको थियो ।



तर निर्णय अनुसार बुझबुझारथ नगरी उल्टै करिव २ लाख ११ हजार पाउण्ड हस्तान्तरण गरिएको भनेर प्रचारप्रसार गरिएकोमा संघले आश्चर्य प्रकट गरेको छ । निवर्तमान कार्य समितिले नयां कार्य समिति निर्वाचितभैसके पछि समेत एनआरएनए युकेको बैंक खाताबाट खर्च गरिएको तथा २०१७–१९ को कार्य समितिलेबुझाएको ५३ हजार पाउण्ड समेत जस्ताको तस्तै नबुझाइएको बताइएको छ ।

विज्ञप्तिका अनुसार सदस्यता बापत आइसीसीलाई बुझाउनु पर्ने करिव ५९ हजार डलर समेत अहिले सम्मबुझाइएको छैन ।

निवर्तमान कार्य समितिको निर्वाचन ताका भएको भनिएको अपारदर्शी खर्चका सम्बन्धमा विवाद भै बेलायतकोअदालतमा मुद्दा चलिरहेको अवस्थामा उक्त समयावधिको कुनै पनि कागजात र निवर्तमान कार्य समितिकोकार्यकालमा गरेको भनिएका खर्चहरु सम्वन्धि कुनै पनि विल भरपाई हालसम्म हस्तान्तरण नभएको पनि गैरआवासीय नेपाली संघ युकेले जनाएको छ ।