818
Shares
लण्डन । नेपाली जनसम्पर्क समिति बेलायत (एनपीसीसी यूके) को अधिवेशन आगामी जुलाई नहुने भएको छ ।
कोरोना संक्रमणका कारण बिरामी परेका सभापति युबराज गुरुङ अनुपस्थित बैठकमा कार्यवाहक सभापति महेश दाहालको सभापतित्व गरी जुलाई १७ शनिवारको दिन अधिवेशन गर्ने निर्णय गरेको थियो ।
सभापती गुरुङ्ग अस्वस्थ भई अनुपस्थित बैठकमा र कार्यसमितीलाई बाईपास गरी कुनै गम्भीर निर्णय नलिन सल्लाकार शेर सुनारको आग्रहलाई बेवास्ता गरि अधिवेशनको मिति घोषणा गरिएको थियो ।
उक्त मिति सभापती युबराज गुरुङलाई कुनै जानकारी नदिईकन र कार्यसमितीलाई बाईपास गरी निर्णय गरेको हुनाले सो मितीमा कुनै पनि हालतमा अधिवेशन गर्न नसकिने नेपाली जनसम्पर्क समिति बेलायत उप-सभापती सुवास चन्द्र पोखरेलले जानकारी दिए ।
सभापति युवराज गुरुङको अस्वस्थताका कारण केही समय नेपालमै रहनुपर्ने वर्तमान परिस्थितिबीच र सिङ्गै कार्यसमितीलाई बाईपास गरी सल्लाहकार र केन्द्रीय सभासदहरुको निर्णय नेपाली जनसम्पर्क समिति बेलायतको भावनामा चोट पुर्याउने चेस्टा र विधि-विधान विपरित भएको अनुशासन कमिटीका संयोजक समेत रहेका उप-सभापती पोखरेलले जनाए ।
