42555
Shares
धरान : कांग्रेस सभापति शेरबहादुर देउवाले प्रहरीले कांग्रेस कार्यकर्तालाई अनावश्यक दुःख दिन थालेको आरोप लगाएका छन् ।
मंगलवार सुनसरीको धरानमा नेपाल दलित संघले आयोजना गरेको ५६ औं अन्तर्राष्ट्रि जातीय विभेद उन्मुल दिवसको अवसरमा आयोजित अन्र्तक्रिया कार्यक्रममा बोल्दै देउवाले यस्तो बताएका हुन् ।
देशभर नेपाल प्रहरीको भूमिका राम्रो नभएको भन्दै देउवाले नेपाल प्रहरीको आचरणविरुद्ध खुलेरै विरोध जनाए । देशभरका जनता कांग्रेस हुनेक्रम दैनिक बढिरहेको अवस्थामा प्रहरीले कांग्रेस किन भइस, भन्दै प्रश्न गर्ने, पक्राउ गर्ने अनाहकमा हिरासतमा राख्ने क्रम बढेको भन्दै देउवाले प्रहरीको आचरण सुधार गर्न आग्रह गरेका छन् ।
उनले अहिले कांग्रेसलाई दुःख दिने प्रहरीलाई कांग्रेसको सरकार आएपश्चात ठेगान लगाउनेसमेत चेतावनी दिएका छन् । देउवाले कांग्रेस कार्यकर्तालाई अनावश्यक दुःख दिने प्रहरीको नामथर, ठेगाना र दर्जासमेत टिपेर केन्द्रीय कार्यालयमा पठाउन समेत कार्यकर्तालाई निर्देशन दिएका छन् ।
केपी ओली नेतृत्वको सरकार नेकपा एमाले र माओवादी केन्द्रको बहुमत प्राप्त संयुक्त सरकार हो । यो सरकारलाई माओवादीले दिएको समर्थन फिर्ता नलिएका कारण आफू कुनै पनि हालतमा प्रधानमन्त्री बन्न नसक्ने उनको भनाइ थियो ।
सरकारको विकल्पका बारेमा माओवादीले समर्थन फिर्ता लिएका खण्डमा मात्र कांग्रेसले आफ्नो धारण सार्वजनिक गर्ने देउवाले बताए ।
