2262
Shares
स्कटल्याण्ड। भारतद्वारा नेपाली भूमि अतिक्रमणको विरोधमा स्कटल्याण्डका नेपालीहरुकोतर्फ बाट भारतीय राजदूतावास मार्फत भारतीय प्रधानमन्त्री मोदीलाई बिरोध पत्र बुझाइएको छ ।
गैरआवासीय नेपाली संघ युकेको परिपत्र अनुसार गैरआवासीय नेपाली संघ युकेको उपाध्यक्ष मोहन कार्की, राज्य परिषद स्कटल्याण्ड अध्यक्ष छवि अर्याल लगायतको टोलीले पोष्ट अफिस मार्फत भारतीय राजदूतावासलाई बिरोध पत्र बुझाएको थियो । बिरोध पत्र बुझाउने कार्यक्रममा गैरआवासीय नेपाली संघ राज्य परिषदका पदाधिकारीहरु, फोर्थ भ्याली नेपाली एसोसिएसन, फाइफ नेप्लिज कम्युनिटी लगायत नेपाली संघ संस्थाका प्रतिनिधिहरुको सहभागिता रहेको थियो ।
बिरोध पत्रमा कालापानी, लिपुलेक, लिम्पियाधुरा नेपाली भू भाग रहेको सुगौंली सन्धीमा पनि स्पष्ट उल्लेख रहेको हुँदा उक्त नेपाली भू भागहरुमा भएको अतिक्रमण निन्दनीय रहेको उल्लेख छ । नेपाल सरकारसंग द्विपक्षीय वार्ता गरि नेपाली भू भाग माथिको समस्याको समाधान गर्न भारतीय प्रधानमन्त्री नरेन्द्र मोदीलाई बिरोध पत्रमा आग्रह गरिएको छ।
