राप्रपा युवा संगठनको अधिवेशन स्थगित

काठमाडौं– राप्रपा निकट राष्ट्रिय प्रजातान्त्रिक युवा संगठनको काठमाडौं जिल्ला अधिवेशन स्थगित भएको छ ।

राप्रपा अध्यक्ष राजेन्द्र लिङदेनले उद्घाटन गरेको अधिवेशनमा झडप भएपछि स्थगित भएको हो । राप्रपामा अध्यक्ष लिङ्देन र महामन्त्री धवलशमशेर राणा पक्षबीच विवाद छ ।

यही विवादले युवा संगठन अधिवेशन नै बिथोलिएको हो । जसकारण अध्यक्ष लिङ्देनले अधिवेशन स्थगित भएको घोषणा गरे ।

अध्यक्ष लिङ्देनले अधिवेशन रोकिएको घोषणा गरेपछि ज्योती लामाले आफैलाई जिल्ला अध्यक्ष  भएको घोषणा गरेका छन् ।