२०८१, १३ जेष्ठ आईतवार
×

ट्रेन्डिङ

मौलिक पर्वले प्राचीन सभ्यता र संस्कृतिको संरक्षणमा सहयोग पुगेको राष्ट्रपति पौडेलको भनाइ

0 Shares

काठमाडौं । राष्ट्रपति रामचन्द्र पौडेलले मौलिक पर्वले नेपाली प्राचीन सभ्यता र संस्कृतिको संरक्षणमा सहयोग पुगेको बताउनुभएको छ ।

कुमारी इन्द्रजात्राको अवसरमा उहाँले शताब्दियौँदेखि प्रचलनमा रहेको कुमारी इन्द्रजात्राजस्ता मौलिक पर्वले नेपाली प्राचीन सभ्यता र संस्कृतिको संरक्षण गर्न थप सहयोग पुग्ने विश्वास व्यक्त गर्नुभयो ।

राष्ट्रपति पौडेलले कुमारी इन्द्रजात्रा पर्व २०८० का अवसरमा स्वदेश तथा विदेशमा रहेका सम्पूर्ण नेपाली दाजुभाइ तथा दिदीबहिनीहरूमा सुख, शान्ति र समृद्धिका लागिसमेत शुभकामना व्यक्त गर्नुभएको छ ।
वर्षा र सहकालका देवता इन्द्रको पूजा–अर्चना गर्दै जीवित देवी कुमारी, गणेश र भैरवको रथयात्रा गरी धुमधामका साथ यो पर्व मनाउने परम्परा रहिआएको उहाँले उल्लेख गर्नुभएको छ ।

कुमारी इन्द्रजात्राजस्ता सांस्कृतिक तथा ऐतिहासिक पर्वले विविध जातजाति, भाषाभाषी, संस्कृति र भौगोलिक क्षेत्रका नेपालीका बीचमा परस्पर विश्वास, सद्भाव, सहिष्णुता र सहयोगको भावनालाई प्रगाढ बनाउँदै राष्ट्रिय एकतालाई थप सुदृढ बनाउन सहयोग पुग्ने राष्ट्रपति पौडेलको विश्वास छ ।

प्रतिक्रिया