माघ ५ गते सभामुखको निर्वाचन हुने

काठमाडौं । प्रतिनिधि सभाको सभामुखको निर्वाचन आगामी माघ ५ गते हुने भएको छ । प्रतिनिधि सभाको ज्येष्ठ सदस्यको रूपमा सभाको अध्यक्षता गरिरहेका सभाध्यक्ष पशुपति समशेर जबराले आजको बैठकको अन्त्य गर्दै सभामुखको निर्वाचनको लागि माघ ५ को मिति तोकेका हुन् ।

सभाध्यक्ष जबराले प्रतिनिधि सभा नियमावली २०७५ को नियम ७ बमोजिम सभामुखको निर्वाचनको मिति तोकेका हुन् । संवैधानिक व्यवस्थाअनुसार प्रतिनिधि सभाको पहिलो बैठक बसेको १५ दिनभित्र सभामुख निर्वाचित गर्नुपर्छ । यो प्रतिनिधि सभाको पहिलो बैठक हिजो सोमबार बसेको थियो ।