2994
Shares
काठमाडौं(जीएनएन)- शनिबार (२८ मे) जर्मनीमा ३३ औं नेपाल दिवस मनाउन लागिएको छ ।
जर्मन-नेपाल मैत्री संघद्वारा ‘नेपाली डायसपोरा: नेपाल जोड्ने साँघु” विषयमा आयोजित कार्यक्रमलाई जर्मनीका लागि नेपाली राजदूत रामकाजी खड्का , गैर आवासीय नेपाली संघका पूर्व सल्लाहकार जीवा लामिछाने, अर्थशास्त्री प्रा. विश्वम्भर प्याकु-याल, गायिका आनी चोयिंग ड्रोल्मा लगायतले सम्बोधन गर्नेछन् ।
कार्यक्रममा डा. कार्ल हेंज क्रेमर, प्रा. मलख श्रेष्ठ, क्लाउस मायर, हान्स गुन्टर क्रेंज, राजिता बानिया, नरेश हिमालले विभिन्न विषयमा प्रस्तुति दिने छन् ।
उक्त कार्यक्रम जर्मनी र नेपाललाई जोड्ने एक भरपर्दो सेतु भएको जर्मन-नेपाल मैत्री संघका अध्यक्ष तथा जर्मनीका लागि नेपाली महावाणिज्यदूत राम प्रताप थापाले बताए ।
मे १९९० मा पहिलोपटक जर्मनीको कोल्न शहरमा ‘नेपाल दिवस’ आयोजना गरिएको थियो।
