कुनै बेला करोडौं कमाउने हिरोइन अहिले भइन् कंगाल, सडकमा गर्नुपर्यो यस्तो काम

एजेन्सी। आफ्नो बोल्ड स्टाइलका कारण रातारात चर्चा बटुल्ने बलिउड हिरोइन मल्लिका शेरावतको आर्थिक हालत पछिल्लो समय बिग्रिँदै गएको छ । ‘मर्डर’ स्टार मल्लिकाले केही समयअघि पेरिसमा रहेको फ्ल्याट पैसा तिर्न नसकेर छोड्नु परेको थियो । अहिले उनको एक तस्वीर सार्वजनिक भएको छ । यो फोटो हेरेर विश्वास गर्नै कठिन हुन्छ कि कुनै बेला करोडौं कमाउने हिरोइनको हालत यस्तो भयो ।

मल्लिकाको फोटो सार्वजनिक भएपछि सुरुमा त विश्वासै भएन । कुनै बेला करोडौं कमाउने र आफ्नो रुपका कारण दर्शकको मनमा राज गर्ने मल्लिका मुम्बइको सडकमा एक बरफको ठेलाअगाडि उभिएकी थिइन् र बरफको गोला खाँदै थिइन् । आश्चर्यको कुरा त यतिबेला उनको नजिक कुनै फ्यान थिएनन् जसले उनलाई चिन्न सकुन् । समयको कुरा हो कि कुनै बेला फ्यानले घेरिने मल्लिका आज सडकमा उभिएकी थिइन् र कसैले उनलाई चिन्न सकेनन् ।

यसअघि मल्लिका र उनका ब्वाइफ्रेण्ड सिरिलले पेरिसमा रहेको आफ्नो फ्ल्याटको लागि ८० हजार युरो अर्थात करिब १ करोड नेपाली रुपैयाँ भाडा तिर्नुपर्ने थियो । तर, दुवैले यो भाडा तिर्न सकेनन् । त्यसपछि फ्रान्सको एक अदालतले उनीहरुलाई घर खाली गर्ने आदेश दिएको थियो । उनका वकिलका अनुसार मल्लिका र सिरिल यतिबेला आर्थिक अभावसँग जुधिरहेका छन् ।

यद्यपि मिडियामा खबर आएपछि मल्लिकाले यो कुरा खलत भएको ट्वीटरमार्फत बताएकी थिइन् । उनले फ्रान्समा आफ्नो कुनै फ्ल्याट नभएको बताएकी थिइन् । मल्लिाकाले फ्रेन्च ब्वाइफ्रेण्डसँग बिहे गरेको हल्ला पनि कैयौं पटक चलिसकेको छ । यस विषयमा उनले एकपटक सामाजिक संजालमा ‘हल्ला फैलाउन बन्द गर्नुस् यो सत्य होइन’ भनेर लेखेकी थिइन् । मल्लिकाले फिल्ममा आउनुभन्दा पहिले १९९७ मा सेनाका क्याप्टेन कर्ण गिलसँग विवाह गरेकी थिइन् । २००१ मा उनीहरुको सम्बन्धविच्छेद भएको थियो ।