युएईमा १ बर्षको अवधिमा ९८ नेपालीको मृत्यु

काठमाडौं– आर्थिक वर्ष २०७५।०७६ मा वैदेशिक रोजगारीका लागि संयुक्त अरब ईमिरेट्स (यूएई) गएका ९८ जना नेपालीको ज्यान गएको युएईस्थीत नेपाली दूतावासले जानकारी दिएको छ ।

रोजगारीका लागि युएई गएकामध्ये गत आर्थिक वर्षमा ९३ जना पुरुष र ५ जना महिलाले ज्यान गुमाएको दूतावासले जनाएको छ । दूतावासका अनुसार धेरैको प्राकृतिक मृत्यु भएको छ ।

प्राकृतिक कारणले ४८ जना पुरुषको मृत्यु भएको दूतावासको तंथ्याकमा छ । प्राकृतिकपछि हृदयघात, मष्तिस्क पक्षघात तथा अन्य कारणले मृत्यु भएको दूतावासले जनाएको छ । गत आर्थिक वर्षमा २१ पुरुष र २ जना महिलाले आत्महत्या गरेको दूतावासको तथ्याङ्कमा उल्लेख छ ।

सवारी र सडक दुर्घटनामा परेर २ जना महिला र २१ पुरुषको मृत्यु भएको दूतावासले जनाएको छ । गत आर्थिक वर्षमा १ जना महिलासहित ३ जना पुरुषको हत्या भएको दूतावासले जनाएको छ । उनीहरुको हत्यामा नेपालीकै संलग्नता रहेको भएको प्रारम्भिक अनुसन्धानले खुलेको दूतावासले जानएको छ ।

दूतावासले मुत्यु हुने नेपालीको शव नेपाल फर्काउन र अन्य प्रत्रियाका लागि सहयोग गरेको जनाएको छ ।