नेपालमा कोरोना संक्रमितको संख्या १२१२ पुग्यो : आज मात्रै १७० जनामा संक्रमणको पुष्टि

काठमाडौं । नेपालमा शुक्रबार थप १७० जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मन्त्रालयका प्रवक्ता डा विकास देवकोटाले उक्त जानकारी दिएका हुन्।

ती मध्ये १६५ जना पुरुष र ५ जना महिला छन्। यो संगै संक्रमितको संख्या १२१२ पुगेको छ। यस्तै शुक्रबार थप १९ जना निको भएका छन्। निको हुनेको संख्या २०६ पुगेको छ भने ६ जनाको मृत्यु भएको छ।