पूर्वप्रधानमन्त्रीलाई श्रद्धाञ्जली दिँदा सलमानले गल्ती गरेपछि भयो ठूलो बेइज्जत

मुम्बइ। बलिउड सुपरस्टार सलमान खानले भारतका पूर्व प्रधानमन्त्री तथा भारत रत्न अटल विहारी बाजपेयीको निधनप्रति ट्वीटरमार्फत श्रद्धाञ्जली दिए । तर, पूर्व प्रधानमन्त्रीलाई श्रद्धाञ्जली दिँदा उनले यस्तो गल्ती गरे कि उनको ट्वीटमा फ्यानहरुले उनको खिल्ली उडाइरहेका छन् । सलमानले समयमै श्रद्धाञ्जली नदिँदा फ्यानहरु उनीमाथि खनिएका हुन् ।

भारतका पूर्व प्रधानमन्त्री बाजपेयीको निधन १६ अगष्टका दिन साँझ ५ बजे भएको थियो । तर, सलमानले उनलाई श्रद्धाञ्जली दिन यति ढिलो गरे कि बाजपेयीको निधान भएको ५ दिनपछि मात्र सलमानको ट्वीटरमा श्रद्धाञ्जली सन्देश देखियो । श्रद्धाञ्जली दिन यति ढिलो गरेपछि सामाजिक संजाल प्रयोगकर्ताहरु सलमानमाथि खनिएका छन् ।

ट्वीटरमा एक प्रयोगकर्ताले लेखेका छन् ‘भाइ आज बल्ल याद आयो ? यति दिनसम्म के गाँजा खाएर सुतिरहेका थियौ ?’ अर्का युजरले लेखेका छन् ‘टाइगर सुतिरहेको थियो ।’ अर्काले खिल्ली उडाउँदै लेखेका छन् ‘भाइ अखबार पाउनुभयो ? कुन अखबार आयो ?’ अर्का एक युजरले त सलमानलाई यति दिनसम्म कुन ग्रहमा थियौ भनेर सोधेका छन् । यसबाहेक ‘क्रिमिनल नशेडी छ’, ‘ट्युबलाइट बल्यो’, ‘आज नशाले छोड्यो होला’ जस्ता प्रतिक्रियाका साथ सलमानको खिल्ली उडाइएको छ ।