1573
Shares
काठमाडौं, काठमाडौं जिल्ला कार्यसमितिको आयोजनामा एनप्याब्सन जिल्लास्तरीय अन्तरविद्यालय लोक नृत्य प्रतियोगिता यहि भदौ १० गते मंगलवार कमलादीस्थित नेपाल प्रज्ञा प्रतिष्ठानमा हुने भएको छ ।
आज संवाद चौतारीमा पत्रकार सम्मेलनको आयोजना गरि राष्ट्रिय निजि तथा आवासीय विद्यालय एसोसिएसन नेपाल (एनप्याब्सन) ले जिल्लास्तरीय अन्तरविद्यालय लोकनृत्य प्रतियोगिता २०७६ आयोजना गर्न लागेको जानकारी गराइएको छ ।
प्रतियोगितामा कुल ७५ टिमको सहभागिता रहने छ । बिहान ८बजेदेखि बेलुका ६ बजेसम्म चल्ने प्रतियोगिका विजेताहरु प्रथम , द्धितीय र तृतीयलाई क्रमश नगद १५ हजार , १० हजार ५ हजार सहित ट्रफी र प्रमाणपत्रद्वारा पुरस्कृत गरिने छ भने बाँकी टप १० टिमलाइ नै ट्रफी र प्रमाणपत्र प्रदान गरिने छ ।
सामान्य प्रशासन मन्त्री लालवावु पण्डितको प्रमुख आतिथ्यता सम्पन्न हुने उक्त प्रतियोगितामा कक्षा ५ देखि १० सम्मका विद्यार्थीहरुले भाग लिन पाउनेछन भने प्रतियोगीहरुको संख्या कम्तिमा ८ जना र बढीमा २४ जना हुने पर्ने आयोजकले बताए ।
उक्त पत्रकार सम्मेलनमा बोल्दै एनप्याब्सनका प्रचार प्रमुख तथा कार्यक्रम संयोजक गेन्द्र लामाले विद्यार्थीहरुलाई आफ्नै मौलिक कला र संस्कृति रहेको हुँदा संरक्षण र सम्बर्द्धन गर्ने उदेश्यका साथ यो प्रतियोगीताको आयोजना गरेको जानकारी गराएका थिए ।
