अनमोललाई ४५ लाखको माया भएन

नेपाली सिनेमा क्षेत्रमा यस्ता धेरै कलाकारहरु छन् जसले पैसाकै लागि गुणात्मक भन्दा बढि संख्यात्मकरुपमा फिल्महरु धेरै गरे। जसका कारण उनीहरुले आफना फ्यानहरुमाझ नै क्रेज गुमाउँन पुगे । ती कलाकारमध्य कति त बिदेश पलायन भए भने कति अझै पुरानै क्रेज फर्काउँने ध्यानमा छन् । हुन पनि हो नेपाली सिनेमा क्षेत्रको सानो बजार त्यसमा सिमित फिल्म खेलेर आफनो जीवनशैली धान्न पनि मुस्किल पर्ने अवस्थामा कलाकारहरुले धेरै फिल्म गर्नु स्वभाविक पनि हो । तर यही कारण उनीहरुले आफनो क्रेज नै गुमाउँने गरेका छन् । तर यस्तो कुरामा भने अहिलेका युवास्टार नायक अनमोल केसी भने निकै सजग छन् ।

बर्षमा एउटा मात्र फिल्म खेल्ने घोषणा गरेका अनमोल यसमा अडिग हुन नसके पनि फिल्म छनौटमा भने उनी सजग देखिएका छन् । उनले हालसालै मिलन चाम्सको निर्देशनमा बन्न लागिरहेको फिल्म ब्याचलर बन्टी फिल्म छाडे जसमा उनले हालसम्मकै सर्वाधिक ४५ लाख पारिश्रृमिक लिएका थिए । अनमोल र टिमबीच सम्झौता पनि भईसकेको थियो तर फिल्मको स्क्रिप्टमा चित्त नबुझेपछि उनले अन्तत यो फिल्मबाट हात झिके ।

अनमोलका लागि उनलाई फिल्ममा आफनो रोलै मन परेन । तर बजारमा भने फिल्मकी नायिकादेखि लिएर कथा , स्क्रिप्ट कुनैमा पनि अनमोल चित्त नबुझाएका हुन् । उता अनमोल भने रोल नै चित्त नबुझेको कारण आफुलाई फिल्ममा जोड्न चाहादैनन् । यसरी हेर्दा अनमोलले रोल नै मन नपरेपछि ४५ लाखको पनि माया मारे । उनले निर्माण टिमबाट बुझेको १० लाख पनि फिर्ता गरिसकेका छन् । यसबाट पनि पुष्टी हुन्छ की अनमोल आफनो करियर र दर्शकप्रति निकै सजग छन् । उनी आफना अग्रजहरुले जस्तै गलत निर्णय लिनै चाहान्न ।