2122
Shares
काठमाडौँ। सामाजिक सञ्जालमा अश्लिल गालीहरुमार्फत चर्चित भएका र्यापर हुन् साकार अधिकारी। फेसबुक लाइभ गरेर अनेक अभिव्यक्ति दिएर र्यापर साकार अधिकारी उर्फ लील बुद्ध लामो समय चर्चामा रहे। धेरैले उनको मानसिक स्वास्थ्य ठिक नभएको भनेपछि उनलाई अष्ट्रेलियाबाट नेपाल फर्काइएको थियो।
उनी अहिले नेपालमै छन्। केही दिन अगाडि उनले आफ्नो नयाँ गीत सार्वजनिक गरेका छन्। गीतमा उनलाई अर्का र्यापर युनिक पोइटले साथ दिएका छन्। उक्त गीतलाई धेरैले रुचाएका छन् जसकारण गीत युट्युबको नेपाल ट्रेन्डिङ नम्बर ३ मा पर्न सफल भएको छ। उनका फ्यान उक्त नयाँ गीतलाई र्यापरको पुनरागमनको रुपमा व्याख्या पनि गरेका छन्।
यसैबीच र्यापर साकारले युट्युबमा आफ्नो भिडियो ब्लग सुरु गरेका छन्। पहिलो भिडियो ब्लगमा उनी घरमा पूजापाठ गरेको अवस्थामा देखिए। हेर्नुस् भिडियो।
