२०८०, १४ फाल्गुन सोमबार
×

ट्रेन्डिङ

सून तस्करीमा पूर्पक्षकालागि थुनामा रहेका निलम्बित एसएसपी दिवेश लोहनीको तालिम महाशाखामा सरुवा

1390 Shares
फाईल फोटो

सरकारले बरिष्ठ प्रहरी उपरीक्षक एसएसपी विश्वराज पोखरेललाई भारतको नयाँदिल्लीस्थित नेपाली दूतावासमा सरुवा गर्दै काठमाडौं प्रहरी प्रमुखमा वसन्तकुमार लामालाई ल्याएको छ । मन्त्रालयगत निर्णय गर्दै गृहमन्त्री रामबहादुर थापाले ३८ सय किलोग्राम सून तस्करी अनुसन्धान समितिका सदस्य समेत रहेका लामालाई काठमाडौं प्रहरी प्रमुखको जिम्मेवारी दिनुभएको हो ।

यस्तै मन्त्रालयले ललितपुर प्रहरी प्रमुखको जिम्मेवारी एसएसपी रविन्द्रबहादुर धानुकलाई दिएको छ । गण्डकी प्रदेश प्रहरी कार्यालयमा रहेका धानुक, पोखरेल अघि काठमाडौं प्रहरी प्रमुखको जिम्मेवारीमा हुनुहुन्थ्यो ।

ललितपुर प्रमुख गणेशबहादुर ऐरलाई भने सरकारले प्रहरी प्रधान कार्यालय कल्याण शाखामा तानेको छ । सरकारले काठमाडौं र ललितपुरमा सहित बिभिन्न २७ जना एसएसपीको सरुवा गरेको छ । प्रदेश एकमा एसएसपी किशोर कुमार दाहाल, प्रदेश ३ मा तारणीप्रसाद लम्साल, प्रदेश ५ मा नरबहादुर खत्रीलाई नियुक्त गरेको छ ।

३८ सय केजी सून तस्करीमा पूर्पक्षकालागि थुनामा रहेका निलम्बित एसएसपी दिवेश लोहनीलाई सरकारले प्रहरी प्रधान कार्यालय तालिम महाशाखामा सरुवा गरेको छ । सरकारले प्रहरी प्रधान कार्यालय मातहत गठन भएका बिभिन्न स्थानमा समेत पदपूर्ती गरेको छ ।

सरकारले प्रहरी नायब महानिरिक्षकहरु महेश बिक्रम शाहलाई कर्णाली प्रदेश कार्यालय सुर्खेत, सुरेशबिक्रम शाहलाई प्रहरी प्रधान कार्यालय तालीम निर्देशनालय, सुरज केसीलाई प्रदेश ७ प्रहरी कार्यालय दिपायल र धिरु बस्नेतलाई प्रहरी प्रधान कार्यालय सुरक्षा सेवा व्यवस्थापन निर्देशनालयमा सरुवा गरेको छ ।

प्रतिक्रिया