२०८१, १३ जेष्ठ आईतवार
×

ट्रेन्डिङ

एउटा हातमा सर्पले टोक्यो, अर्को हातमा त्यही सर्पलाई जिउँदै समातेर पुगे अस्पताल

1595 Shares

एजेन्सी। सर्पले टोक्यो भने त्यसको उपचार गर्नको लागि सर्प कुन प्रजातिको हो भन्ने जान्नु अति महत्वपूर्ण हुन्छ । सर्पको पहिचान भएमा डाक्टरले सही औषधी प्रयोग गरेर सजिलै उपचार गर्न सक्छन् । तर, भारतको झारखण्डमा भने सर्पले टोकेका एक व्यक्ति हातमा टोक्ने सर्प जिउँदै समातेर अस्पताल पुगेपछि अस्पतालमा भागाभाग भएको छ ।

झारखण्डको जमशेदपुरमा बिरसानगरमा बस्ने बीरे सिंहलाई नजिकैको एक फ्ल्याटमा सर्प देखेपछि बोलाइएको थियो । बीरे त्यहाँ गएर सर्प समात्ने प्रयास गर्दै थिए यत्तिकैमा सर्पले टोक्यो । बीरे सर्प समातेर जंगलमा लगेर छोड्ने सोचाइमा थिए । तर सर्पले टोकेपछि उनी त्यो सर्प समातेरै अस्पताल गए ।

बीरेलाई सर्पले दाहिने हातमा टोकेको थियो । उनले बायाँ हातमा जिउँदै टोक्ने सर्प समातेर अस्पतालमा उपचार गराउन गए । उनको हातमा सर्प देखेर डाक्टर पनि डराए । दाहिने हातमा सर्पले टोकेपछि अस्पताल पुगेका बीरेको उपचारको क्रममा डाक्टरहरु निकै डराइरहेका थिए । डाक्टरले दाहिने हातको उपचार गरिरहे बीरेले बायाँ हातमा सर्प समाइरहे । उपचारपछि डाक्टुले उनलाई घर जान सल्लाह दिए । बीरेले पनि उपचारपछि सर्प जंगलमा छोडेर घर फर्किए ।

प्रतिक्रिया