फ्रान्स सेमिफाइनलमा, उरुग्वे विश्वकपबाट बाहिरियो

काठमाडौं । युरोपेली मुलुक फ्रान्सले दक्षिण अमेरिकी राष्ट्र उरुग्वेलाई पराजितगर्दै विश्वकपको सेमिफाइनल यात्रा तय गरेको छ । शुक्रबार राति सम्पन्न खेलमा फ्रान्सले उरुग्वेलाई २–० ले पराजित गरेको हो ।

जितसँगै फ्रान्स रुसमा जारी विश्वकपमा अन्तिम चारमा प्रवेशगर्ने पहिलो टोली बनेको छ । उरुग्वेका भरपर्दा स्ट्राइकर इडिसन काभानी भने घाइते भएका कारण यस खेलमा समावेश थिएनन् ।

फ्रान्सको जितमा राफेल भराने र एन्टोनी ग्रीजम्यानले एक–एक गोल गरे । उरुग्वेलेभने खेलमा कुनै गोल गर्न सकेन । फ्रान्सले पहिलो हाफमा एक गोल गर्योभने दोस्रो हाफमा अर्को गोल थपेको हो ।

खेलको ४१ औं मिनेटमा भरानेले दोस्रो गोलगर्ने ग्रीजम्यानको कर्णर किकमा हेडरमार्फत आकर्षक गोल गरेका थिए । त्यसपछि खेलको ६१ औं मिनेटमा ग्रीजम्यानले डिबक्स बाहिरबाट उत्कृष्ट गोल गरे ।

उनले कोन्टिनी टोलीसोको पासमा गोल गरेका थिए । उनको प्रहार उरुग्वेका गोल रक्षले रोकेपनि तिव्र गतिमा आएका कारण त्यस बल गोलमा परिणत भएको थियो । समग्रमा प्रतिस्पर्धात्मक रहेको खेलमा उरुग्वेले कैयौं गोलको प्रयास गरेपनि गोलभने गर्न सकेन ।

यससँगै फ्रान्स विश्वकपको सेमिफाइनलमा प्रवेश गर्दा उरुग्वेको विश्वकप सपना अधुरो बनेको छ ।