बेलायतमा गाँजा खान पाउने लोभमा पार्कमा गएकी थिइन् १४ वर्षकी किशोरी, त्यसपछि जे भयो…

लण्डन। बेलायतमा १४ वर्षकी एक किशोरी गाँजा खान पाउने लोभमा पार्कमा गएकी थिइन् । त्यसपछि उनीसँग जे भयो त्यो कसैलेकल्पना समेत गर्न नसक्ने थियो । उनलाई बोलाउनेले किशोरीको हत्या गरेर उनको मृत शरीरलाई बलात्कार गरेको सनसनीपूर्ण घटना सार्वजनिक भएको छ । मिडिया रिपोर्टका अनुसार १४ वर्षकी भिक्टोरिया सोकोलोभा नामकी किशोरीको अर्धनग्न मृत शरीर बेलायतको भोल्वरह्याम्पटन को वेस्ट पार्क नजिकै भेटिएको थियो ।

यहाँबाट कतै जाँदै गरेका एक् व्यक्तिले मृत शरीर देखेर यसको सूचना पुलिसलाई दिएका थिए । पुलिसले अनुसन्धान गर्दै जाँदा ती किशोरीसँग भएको डरलाग्दो घटनाको खुलासा भएको छ । भिडियो फुटेज र कल डिटेलका आधारमा पुलिसले किशोरीका हत्यारालाई खोजेर पक्राउ गरेको छ । पुलिसका अनुसार हत्या गर्ने पनि किशोर नै हुन् । उनको उमेर १६ वर्ष भएकोले उनको पहिचान खुलाइएको छैन । अनुसन्धानमा थाहा भए अनुसार किशोरले त्यसरात एक डेटिङ एपको माध्यमबाट किशोरीसँग सम्पर्क गरेका थिए ।

ती किशोरले किशोरीलाई गाँजा खान दिने लोभ देखाएर पार्कमा बोलाएका थिए । पुलिसका अनुसार ती किशोरले आफूले किशोरीसँग यौन सम्बनध बनाएको स्वीकार गर्दै सम्बनध सहमतिमा भएको र त्यतिबेला किशोरी जीवित भएको बताएका थिए । तर, पुलिसले कडाइका साथ सोधपुछ गरेपछि उनले किशोरीले यौन सम्बन्धको लागि अस्वीकार गरेको बताए । त्यसपछि ती किशोरले हथौडाजस्तै चीजले किशोरीको टाउकोमा २१ पटक आक्रमण गरे त्यसपछि किशोरीको शरीरसँग यौन सम्बन्ध बनाउन थाले । त्यतिबेलासम्म किशोरीको मृत्यु भइसकेको थियो ।

हत्या गर्ने किशोरका अनुसार वारदातभन्दा अघि उनले कैयौं पोर्न फिल्म हेरेका थिए । उनी किशोरीसँग पोर्न फिल्ममा जस्तै अप्राकृतिक यौन सम्बन्ध बनाउन चाहन्थे । ८ न्यायाधीशको इजलासले यो घटनालाई जघन्य अपराधको श्रेणीमा राख्दै ती किशोरलाई आजीवन कारावासको सजाय सुनाएको छ । किशोरीकी आमा भ्यालेन्टिनका अनुसार केही दिनदेखि छोरीका केही विचित्र साथी बनेका थिए । किशोरी घरबाट भाग्ने गर्थिन् । आमाका अनुसार उनले छोरीले गाँजा खान लागेको थाहा पाएकी थिइन् । उनी स्कुलबाट साथीहरुकहाँ गएर बस्न थालेकी थिइन् । यही कारण आमाले उनलाई पितासँग बस्न आयरल्याण्ड पठाएकी थिइन् तर केही दिनमै उनी फर्किएर आएकी थिइन् ।