रुससँग गठबन्धन नगर्न भारतलाई अमेरिकाको चेतावनी

अमेरिकी राष्ट्रपति जो बाइडनका शीर्ष आर्थिक सल्लाहकारले युक्रेनमा आक्रमण गरेपछि अमेरिकाले भारतलाई रुससँग नजिकबाट साझेदारी नगर्न चेतावनी दिएको बताएका छन् । ह्वाइट हाउसको राष्ट्रिय आर्थिक परिषद्का निर्देशक ब्रायन डीजले बुधबार पत्रकारहरूलाई यसबारे जानकारी गराएका हुन् ।

‘भारत सरकारलाई हाम्रो सन्देश यो हो कि रूससँग थप स्पष्ट रणनीतिक र परिणामहरू महत्त्वपूर्ण र दीर्घकालीन हुनेछन्,’ डीजले भने ‘आक्रमणको सन्दर्भमा चीन र भारत दुवैको निर्णयबाट हामी निराश भएका क्षेत्रहरू पक्कै पनि छन् ।’

अरु देशले जस्तै भारतले रुसमाथि प्रतिबन्ध लगाउन अस्वीकार गरेको बीबीसीले जनाएको छ । ब्लुमबर्गका अनुसार अमेरिकाले एसियामा चीनको शक्तिको विरोध गर्ने देश रुसी हतियारको सबैभन्दा ठूलो आयातकर्ता हो ।

अमेरिकी उपराष्ट्रिय सुरक्षा सल्लाहकार दलीप सिंहले गत हप्ता भारतको औपचारिक भ्रमण गरेपछि यस्तो भएको हो । ‘दलीपले यस भ्रमणको क्रममा आफ्ना समकक्षहरूलाई स्पष्ट गरेको कुरा यो थियो कि हामी रुसी ऊर्जा र अन्य वस्तुहरूको आयातलाई गति दिन वा बढाउनु भारतको हितमा छ भन्ने विश्वास गर्दैनौं,’ ह्वाइट हाउसका प्रवक्ता जेन साकीले सिंह यस हप्ता फर्केपछि भने ।