1745
Shares
राधेश्याम अधिकारी । फाइल तस्वीर ।
काठमाडौं, फागुन २७ । नेपाली कांग्रेसले राष्ट्रियसभामा पार्टीको संसदीय दलको नेतामा राधेश्याम अधिकारीलाई मनोनयन गरेको छ ।
पार्टीका सभापति एवं कांग्रेस संसदीय दलका नेता शेरबहादुर देउवाले रिक्त रहेको उक्त पदमा मंगलबार राष्ट्रियसभाका सदस्य अधिकारीलाई मनोनयन गरेका हुन् ।
सभापति देउवाले पार्टीको संसदीय दलको विधानबमोजिम अधिकारीलाई मनोनयन गरेको सभापति देउवाका निजी सचिव केशवराज जोशीले जानकारी दिए । रासस
