2135
Shares
एजेन्सी । ब्रिटेनको बर्मिंघमस्थित समाधिस्थलमा रेलवे स्टेशन बनाइन लागेको छ । रेल स्टेसन बनाउने योजनाको पहिलो कदम स्वरुप समाधीस्थल हटाउन सुरु भएको छ ।
त्यस क्रममा त्यहाँबाट ६५०० कङ्काल निकालिएको छ । कङ्काल निकाल्नको लागि आधुनिक प्रविधियुक्त मेसिनको प्रयोग गरिएको थियो ।
अधिकारीका अनुसार बर्मिंघममा स्ट्रीट रेलवे स्टेशनको निर्माण गरिदैंछ ।
कङ्काललाई नबिगारी समाधीको कङ्क्रिट संरचना हटाएपछि सावधानीपूर्वक कङ्काल निकाल्न थालिएको हो । यो प्रक्रिया अझै जारी छ ।
स्थानीय मिडियाका अनुसार यो समाधीस्थल सन् १८१० मा बनेका थियो । तर पछिल्लो ४६ वर्षदेखि यसमा शव गाडिएको थिएन ।
रेल परियोजना घोषणा भएपछि पुरातत्त्वविदको समूहले यो समाधीस्थल खन्न सुरु गरेको थियो । त्यसक्रममा तिनले मूर्ति, सिक्का, खेलौना, बहुमुल्य हार र कयैन कलाकृति भेटेका थिए ।
स्थानीय प्रशासनको भनाइमा एक चर्चसँग परमर्श गरेर त्यस समाधीस्थलबाट निकालिएको अवशेष अन्य स्थानमा अन्त्यष्टी गरिनेछ ।
