प्रस्तुती दिँदादिँदै मन्चमा ढलेका कमेडियनले,त्यहि अन्तिम श्वास फेरे,तर दर्शकले अभिनय भन्दै ताली बजाइरहे‘

एजेन्सी– अबुधावीमा जन्मिएका भारतीय मूलका एक स्ट्यान्डअफ कमेडियनले आफ्नो अन्तिम श्वास प्रस्तुती दिँदा दिँदै फेरेका छन् ।

दुवाइको एक मन्चमा प्रस्तुति दिंइरहँदा ३६ वर्षीय मन्जुनाथ नायडुको अपत्यारिलो तबरले ज्यान गयो । उनले शोमा स्ट्यान्डअप कमेडी गरिरहेका थिए, दर्शक खचाखच भरिएका थिए ।

त्यसै क्रममा उनले आफ्नो प्रस्तुती दिँदा दिँदै मञ्चमै ढले । उनको प्रस्तुतीले बनाएको माहोलमा दर्शक रमाउँदै गडगडाहट ताली बजाइरहेका थिए । उनी ढलेको देख्दा अभिनय भन्ठानेर दर्शकको ताली रोकिएको थिएन तर मन्चमा भने उनको श्वास रोकिएको थियो । उनले संसार छाडिसकेका थिए ।

खलीज टाइम्सका अनुसार मञ्जुनाथ नायडूलाई शोका क्रममा ह‌ृद्यघात भयो र सो कारणले उनको प्राण त्यागेका थिए । पहिला उनले आफूलाई बेचैन भएको भएको बताएका थिए र उनी बेन्चमा बसे ।

त्यसपछि उनी मञ्चमा लडे । त्यहाँ बसेका दर्शकलाई लाग्यो कि यो पनि कमेडीको एउटा पाटोको होला । तर, उनी हृदयघातका कारण मन्चमै लडेका थिए ।