आईपीएलः हैदरावाद र सन्दीपको दिल्ली आज भिड्दै

काठमाडौं– इन्डियन प्रिमियर लिग (आईपीएल)मा आज दिल्ली क्यापिटल्सले (आइतबार) सनराइजर्स हैदरावदसँग प्रतिस्पर्धा गर्दैछ । हैदरावादको घरेलु मैदानमा हुने खेलमा दुवै टोली जीतको खोजिमा हुनेछन् ।

सात खेल खेलेको दिल्ली ८ अंकसहित अंक तालिकामा चौथो स्थानमा रहेको छ भने हैदरावाद छैठौं स्थानमा छ । युवा खेलाडीको र्वचश्व रहेको दिल्लीका लागि कहिले रिसभ पन्त, कप्तान श्रयस अयर र पृथ्वी शाले मुख्य भूमिका खेल्दै आएका छन् ।

यी युवा खेलाडीका अलावा बलिङतर्फ कागिसो राबाडाले पनि टिमका लागि महत्वपूर्ण योगदान दिइरहेका छन् । यस्तै हैदरावादका लागि अस्टेलियाका ब्याट्सम्यान डेभिड वार्नर, जोन व्रिस्टो र केन विलियमसनले ब्याटिङमा साथ दिएका छन् ।

वार्नरले आईपीएलको यो सिजनमा ३ अर्धशतक र १ शतक प्रहार गर्दै सर्वाधिक ३ सय ४९ रन बनाएका छन् । यस्तै, हैदरावादको घरेलु मैदानमा पाहुना टोलीमाथि वार्नर धातक हुनसक्ने देखिन्छ ।

दिल्लीका महत्वपूर्ण स्पिनरका रुपमा रहेका नेपाली लेग स्पिनर सन्दीप लामिछाने आजको खेलमा मैदान उत्रिने अवसर पाउलान् भन्ने पनि यतिबेला महत्वपूर्ण प्रश्न बनेको छ । आईपीएलमा ४ खेल खेलेका सन्दीप हैदरावादविरुद्ध मैदान उत्रिनेमा अधिकाशंले आशंका गरेका छन् ।

यसअघि दिल्लीको कलकत्ताविरुको खेलमा महँगा सावित भएका थिए । जसमा उनले ४६ रन खर्चेर १ विकेट लिएका थिए । उनले यो सिजनमा दिल्लीले खेलेका ७ मध्ये ४ खेल खेल्ने अवसर पाएका छन् भने ५ विकेट पनि लिएका छन् । दिल्लीका अर्का बलर कागिसो राबाडा भने आईपीएलको यो सिजनमा सर्वाधिक विकेट लिने खेलाडी बनेका छन् । उनले ७ खेलमा १३ विकेट लिएका छन् ।