1351
Shares
काठमाडौं– प्रमुख प्रतिपक्ष दल नेपाली काँग्रेसका सभापति शेरबहादुर देउवाले सरकारविरुद्ध आन्दोलन उत्रिन युवा/विद्यार्थीहरुलाई आह्वान गरेका छन् ।
केपी ओली नेतृत्वको वर्तमान सरकारले जताततै हस्तक्षेप गरिरहेको आरोप लगाउँदै त्यसको विरोधमा आन्दोलन गर्न आफ्नो पार्टी तयार रहेको पनि स्पष्ट पारेका हुन् ।
शुक्रबार ११ विद्यार्थी संगठनले काठमाडौंमा आयोजना गरेको एक कार्यक्रममा बोल्दै उनले संवैधानिक परिषदको बैठक बोलाएर संवैधानिक निकायको पदाधिकारी समेत एकलौटी ढंगले निर्णय लिने काम गरेको भन्दै प्रधानमन्त्री ओलीको चर्को आलोचना गरे । उनले आफू नआउने भनेर पत्राचार गर्दागर्दै संवैधानिक परिषदको बैठक बोलाएकोमा पनि आपत्ति जनाए ।
कार्यक्रममा सभापति देउवाले विश्वका कुनैपनि मुलुकमा प्रधानमन्त्रीले सेना परिचालन गर्ने व्यवस्था नभएको भन्दै त्यसतर्फ पनि असन्तुष्टि व्यक्त गरे ।
