2790
Shares
काठमाडौं। अन्तर्राष्ट्रिय ओलम्पिक कमिटीले भारतमाथि कारवाही गर्दै उसलाई कुनै पनि ओलम्पिकसँग सम्बन्धित खेल आयोजना गर्न नपाउने गरी प्रतिबन्ध लगाएको छ । भारतमा जारी शूटिङ विश्वकपमा पाकिस्तानी खेलाडीलाई भिसा नदिइएपछि अन्तर्राष्ट्रिय ओलम्पिक कमिटीले यस्तो कारवाही गरेको हो । अब भारत सरकारले लिखित रुपमा अन्तर्राष्ट्रिय ओलम्पिक कमिटीलाई विश्वस्त बनाउ नसक्दासम्म यो प्रतिबन्ध फुकुवा हुने छैन । स्विजरल्याण्डको लौसानमा भएको ओलम्पिक कार्यकारी समितिको बैठकले यस्तो निर्णय गरेको हो ।
भारतमा भइरहेको शूटिङ विश्वकपमा पाकिस्तानका २ शूटरले २५ मिटर र्यापिड फयरमा भाग लिने वाला थिए । तर, भारत सरकारले उनीहरुलाई भिसा दिएन । यसविरुद्ध नेशनल राइफल एसोसिएसन अफ पाकिस्तानले आइओसीमा उजुरी गरेको थियो । जम्मु कश्मिरको पुलावामामा १४ फेब्रुअरीमा भएको आतंकवादी आक्रमणमा पाकिस्ताको हात भएको आरोप लगाउँदै भारतले पाकिस्तानी खेलाडीलाई भिसा दिएको थिएन ।
आइओसीले भनेको छ ‘आयोजक देशमा आउने सबै खेलाडीहरुले कुनै राजनैतिक हस्तक्षेपबिना समानताको वातावरणमा प्रतियोगितामा भाग लिने अवसर पाउनुपर्छ । भारतीय ओलम्पिक कमिटीले पाकिस्तानी खेलाडीलाई भाग लिने अवसर दिलाउन सकेन । यो आइओसीको भेदभावसँग सम्बन्धित नियमविपरित हो । अन्तर्राष्ट्रिय ओलम्पिक कमिटीको कार्यकारी समितिले भारतसँग भविष्यमा कुनै पनि ओलम्पिकसँग सम्बन्धित प्रतियोगिताको आयोजनाका विषयमा सबै किसिमका छलफललाई पूर्ण रुपमा स्थगित गरेको छ ।’
