धर्म परिवर्तन गराउँने संस्थाको कार्यक्रम सरकारको साथ युथ कांग्रेस नेपालको चर्को विरोध

मंसिर १३ -भोलीबाट सुरु हुन लागिरहेको ‘एसिया प्यासिफिक समिट–२०१८’ का लागि कम्बोडियाका प्रधानमन्त्री हुन सेन र म्यानमारकी नेतृ आङ साङ सुकी नेपाल आईसकेका छन् । सुरुवातबाट नै यस कार्यक्रमलाई चौतर्फी आलोचना भईरहेको छ भने सहआयोजक बन्दा सरकारले पनि आलोचना खेप्नु प¥यो ।

कोरियास्थित अन्तराष्ट्रिय संस्था युनिभर्सल पीस फेडरेसन (यूपिएफ) को आयोजनामा उक्त कार्यक्रम हुन लागेको हो जुन कार्यक्रम क्रिश्चियन धर्म प्रचारक संस्था हो । सोही कारणले पनि यो कार्यक्रमलाई लिएर यतिबेला चर्काे बिरोध भईरहेको छ । यसबीचमा उक्त सम्मेलनलाई लिएर राजधानीमा बिरोध प्रर्दशन भएको छ । काठमाडौँको माइतीघरमा भेला भएका स्वतन्त्र युवाहरुको एक समूहले एसिया प्यासिफिक समिटको विरोध गरेका हुन् ।

युवाहरुले विश्वभरि धर्म परिवर्तन गराउने संस्थाको रुपमा बदनाम भएको गैरसरकारी संस्थाको कार्यक्रमलाई सहयोग गरेको भन्दै सरकारको कामको विरोध पनि गरे । यसैगरी उनीहरुले सवारी सञ्चालनमा जोर बिजोर प्रणाली लागु गरेर जनतालाई दुःख दिएको भन्दै नाराबाजी गरेका छन् ।माइतीघरको प्रदर्शनमा उत्रेका केही प्रदर्शनकारीलाई प्रहरीले पक्राउ पनि गरेको छ ।