सुनकोशी नदीमा बस खस्यो, एकजनाको मृत्यु, विस्तृत विवरण आउन बाँकी

काठमाडौं। सिन्धुलीको मरिणबाट काठमाडौँ आउँदै गरेको ना ६ ख ९१२ नम्बरको बस सुनकोशी नदीमा खस्दा एक जनाको मृत्यु भएकोे छ भने चार जना घाइते भएका छन्। उक्त बस सिन्धुलीको मुलकोटबाट सुनकोशी नदीमा खसेको हो। बस नदीमा खसेपछि नेपाल प्रहरी, सशस्त्र प्रहरी र स्थानीय वासिन्दा उद्धारमा जुटेका छन्।

तीन जनाको उद्दार गरिएको छ भने गम्भीर घाइते चार जनाको स्थानीय अस्पतालमा उपचार भइरहेको प्रहरीले जनाएको छ। बसका कति यात्रु थिए भन्ने यकिन हुन सकेको छैन। खोजी तथा उद्दार कार्य जारी रहेको प्रहरीले जनाएको छ।