गुन्द्रुकको स्वादिलो अचार बनाउने सजिलो तरिका (भिडियोसहित)

काठमाडौँ । नेपाली खानाको परिकारमा गुन्द्रुक सबैजसो नेपालीको प्रिय परिकार हो। नेपाली खानामा गुन्द्रुकको नाम आउने गर्छ । हाम्रो वरिपरि पाइने, मूला, फर्सी, साग आदीलाई छापेर राखेर गुन्द्रुक तयार गर्ने गरिन्छ ।

गुन्द्रुकलाई तरकारी र अचारको रुपमा समेत खान सकिन्छ। यहाँ गुन्द्रुकको स्वादिलो अचार बनाउने सजिलो तरिका प्रस्तुत गरिएको छ :

सामग्री :

गुन्द्रुक, हरियो प्याज, धनियाँ, सुकेको खुर्सानी, उसिनेको टमाटर

लसुन, अदुवा भुटेको जिरा, मेथी, नुन, बेसार तेल,

विधि :

गुन्द्रुकलाई पानी राखेर भिजाउने ।

सबै मसला खलमा राखेर पिस्ने ।

उसिनेर राखेको टमाटर पिस्ने ।

गुन्द्रुकलाई पानी निचोरेर खलमा राख्ने र थिच्ने ।

थिचेको गुन्द्रुकलाई भाँडोमा राख्ने र त्यसमाथि नुन बेसार, मसला, टमाटर सबै राख्ने ।

त्यसपछि तेल तताएर अचार झान्ने ।