1105
Shares
एजेन्सी- इंग्लिस प्रिमियर लिग फुटबलमा लेस्टर सिटीले शानदार जित हात पारेको छ ।
अवे मैदानमा भएको खेलमा लेस्टर सिटीले लीड्स युनाइटेडलाई ४–१ ले पराजित गरेको हो ।
दोस्रो मिनेटमा नै हार्भी बार्नेसले गोल गरी लेस्टरलाई सुरुवाती अग्रता दिलाएको खेलमा २१औँ मिनेटमा यूरी टिएलेम्यान्सले गोल गर्दै टोलीको अग्रता दोब्बर पारे ।
लीड्सका स्टूआर्ट डालासले ४८औँ मिनेटमा एक गोल फर्काए । ७६औँ मिनेटमा जेमी भर्डीले गोल गरी लेस्टरको अग्रता ३-१ मा पुर्याए ।
इन्जुरी समयमा टिएलेम्यान्सले पेनाल्टीमा व्यक्तिगत दोस्रो गोल गर्दै टिमलाई ४–१ को जित दिलाए ।
जितपछि सात खेलबाट १५ अंक जोडेको लेस्टर सिटी दोस्रो स्थानमा पुगेको छ ।
