भुकम्पपछि बन्द भएको तातोपानी नाका खुल्यो

भुकम्प लगत्तै बन्द भएको उत्तरी तातोपानी नाका चार वर्षपछि बल्ल सञ्चालनमा आएको छ । अनौपचारिक रुपमा मंगलबार बिहान ४ वटा खाली कन्टेनर (नेपाल–चीन) पास प्रक्रिया पूरा गरेर ऊन ल्याउन खासा प्रवेश गराउँदै तातोपानी नाका व्यवसायिक रुपमा खुलेको हो । सोमबार दश वटा लोडर र कन्टेनरलाई पास दिए पनि चीन पक्षबाट बल्ल सहमतिको खबर पाएपछि काम थालिएको छ ।

अनौपचारिक सहमतीमा अन्त:त  तातोपानी नाका मालबाहक सामग्री निर्यात गर्दै खुल्ला भएको छ, यसले सिन्धुबासीमा खुशी थपेको छ ।’ चारै वटा कन्टेनर फर्कदा ऊनले भरिएर फर्कने छन् । नेपाल चीन जोड्ने मितेरी पुल निर्माण अझै नसकिएकाले अस्थायी चल्तीमा ल्याइएको पुलमुनीको कच्ची सडकको पुल हुँदै खाली कन्टेनर गएका हुन् ।

सोमबार बेलुकी नै ४ वटा कन्टेनर ‘पास सिस्टम’ सकेर तयारी हालतमा थिए । बुधबार चार वटा कन्टेनर ऊन लिएर नेपालमा नाका खुलेको शुभसंकेत दिँदै सो सामग्री राजधानी र्पुयाइनेछ ।