चितामा जलिरहेको शवलाई अचानक भेल बाढी आएर शव बगायो, मलामीहरु भागाभाग(हेर्नुस् भिडियो)

काठमाडौं- इलामको फाकफोक खोलामा आएकोको बाढीले चितामाथि जलिरहेको शव बगाएको छ ।

खोलामा एक्कासी बाढी आएपछि मलामी गएकाहरुको भागदौड मच्चिएको थियो । खोला किनारामा जलाइएको शव खोलमा आएको भीषण बाढीले बगाएको हो ।

शव पुरै नजलिसकेकै अवस्थामा खोलामा बाढी आएपछि जलिरहेको चितासँगै शव भेलमा बगेको थियो । भिडियो हेर्दा र मलामीहरुले बाेलेको सुन्दा शव भेलमा बगेको थियो । उनीहरुले यो खोलामा यस्तो बाढी अहिलेसम्म देखेका थिएनन् ।

केही दिन यता अविरल वर्षा भइरहेका कारण खोलामा पानीको सतह बढे पनि आज इलामको पहाडी क्षेत्रमा परेको वर्षाका कारण खोलामा भीषण बाढी आएको स्थानीयले बताएका छन् ।

बाढीले शव बगाए पनि मलामीहरु भने सुरक्षित रहेको जनाइएको छ ।

 हेर्नुस् भिडियोमा

खोलामा जलाउदै गरेको लास, बाढी आई बगाउनु, प्राकृतिक चाहना कि मानवीय लापरवाही? https://t.co/ApnOaGaR52

— Nishchal PS (@IamNishchal) April 27, 2020